|
#1
01-03-2011, 07:38 PM
| |||||||||
| |||||||||
 آكبر موسوعه كلمات اغاني فهد بن سعيد - فهد بن سعيد موسوعة فهد بن سعيد وآهدآء لـ آدمنت حبك . .. بـ ر ـب الموضوع الأصلي: آكبر موسوعه كلمات اغاني فهد بن سعيد - فهد بن سعيد // الكاتب: توهقنآ // المصدر: منتديات دمعة قلم  |
|
01-03-2011, 07:39 PM
| #2 | |
 
 | رد: آكبر موسوعه كلمات اغاني فهد بن سعيد - فهد بن سعيد دام انا وياك نمشي بالاصول ** مالنا في هرجة الواشي طرف الثقه بيني وبينك ما تزول ** ثابتٍ حبي وحبك ما انحرف يا بعد عمري عسى عمرك يطول ** ما اخبر قلبي لغيرك اعترف انت لي يا راعي الطرف الخجول ** لامني في عشرتك من لا عرف ........................ وش جابني لك يمكم وداني .. وش جابني لولا غلاك الداعي لولا الغلا ما جيت انا لك عاني .. ولا هز قلبي من غلاك اضلاعي لو تعلم ان الهجر منك اشقاني .. ما عاد لك نومك وانا اسهر واعي درت ومشيت وكم شفت الواني .. ما شفت مثلك بالهوى خداعي وش غيرك تنسى زمانٍ كاني .. تومي بعينك عنّنا ما تراعي هديت قصر الحب وةانت الباني .. وصرت لكلام عداينا مطواعي اهديت لك قلبي وصرت الجاني .. وعاهدكم بالله يا خداعي ...................... وش صار يازين الحلايا تغليت ** ان كان الخطأ مني بقول اعتذاري وانا كان الخطأ منكم تراني تناسيت ** بطوي سجل الحب واصدر قراري وان كان من عاذلي بالهرج حنيت ** إعرف ترى درب المهالك شعاري على صدودك ياهوى البال هديت ** جسرٍ على ساس المحبه جداري من صدك وجورك يامنى الروح ونيت ** ونة حزين الشوق بطول انتظاري ابكي على فرقاك دمعات هليت ** وانت السبب لاشك ماهو باختياري ...................... وش يمنع اني عفت حبك وطاريك .. ذكراك ما تنفع وانا خاطري طاب من عقب ما قلبي يحبك ويغليك .. لكن غلاك بين الزعل والرضا ذاب مانبي بلعبه في يدينك تسليك .. عرفت دمعك يوم تبكيه كذاب جتني همومٍ عساها تجي فيك .. وانت الذي لهموم قلبي الاسباب خلاص عقب اليوم ما والله ارجيك .. ياللي تبيع وتشتري بملك الاحباب اول عيوني من ولها تناجيك .. واليوم عفت الحب يا ظبي الاهداب حاسب على نفسك والله يهنيك .. يا خالي الوجدان تلقى لي اصحاب الغدر مثل الضل لازم يباريك .. فيك الامل بالحب يا مضيّعه خاب ........................ وقفت اودعه والعين تدمع .. ذرايف مثل هطّال السحابه وبعد العصر حوالي الساعه اربع .. بسرعه بلأ الغالي ثيابه واشر لي مثل قوله مودّع .. دنا وقت الرحيل احسب حسابه وقلت ارجوك لعد اسبوع ترجع .. محبك يشتكي لك من عذابه تمزّع قلب من تهوى تمزّع .. طواه الوجد وحطم شبابه فراق اهل الهوى يا حلو يفجع ..ترى الفرقا من انواع الغلابه ...................... ول يا هاجسٍ يم الحبيّب سرابي .. لين وداني للمجمول في ظرف ساعه نقّض الجرح هاجوسٍ وجدّد صوابي .. واحسب اني على فرقاه عندي شجاعه عقب فرقاه اجامل لين بان الشقى بي .. واتصبر وقلبي زايد الشوق لاعه الدهر لاعني وابعد حسين الشبابي .. ابعد الصاحب اللي ما نوى لي قطاعه الدهر دايماً ضدّي مع كل بابي .. كل ماجيت مع بابٍ سعى في ضياعه يا حبيبي فراقك زادني في عذابي .. دمع عيني عقب فرقاك زاد اندفاعه جاك مني رساله واحتري منك جوابي .. خطكم لي وصلني عندي اغلى بضاعه سو بي خير واكسب يا حبيبي ثوابي .. من يراعي هواكم يا اريش العين راعه ...................... آه وا ويلاه من قلبٍ عليك .. انكشف سده وبيّح ما خافاه من سبايب واحدٍ ماله مثيل .. يسحر العشاق لي قط العباه وان بغيت الصبر دونه مستحيل .. نور عيني بالحشا مكّن غلاه تاه فكري تاه دربي والدليل .. ليت منهو يدري حبيبه وش بلاه بالهوى حملي على قلبي ثقيل .. وان نهيت القلب عنّه ما سلاه ساريٍ بالليل في دربٍ طوبل .. حايرٍ ما ادري وش آخر مداه يعطي الشاق من كفٍ بخيل .. ومن زرع طيبٍ ما عمره جناه آه من درب الهوى ماله عميل .. كل من يخلص يزوّد في عناه ...................... ويلاه من همٍ قضت من حالي .. صابر على جور الليالي والايام همٍ يزحزح راسيات الجبالي .. لو حل في غيري قعد منه ما قام عليك يا منهو شبيه الغزالي .. لاني بمديونٍ ولاني بمنظام انوح نوح الورق مما جرالي .. واسهر اليما الصبح يازين ما نام ليته تكرم به علينا الليالي .. ساعه ولو ما طاب للخلق مادام يا ليت منهو شاف زوله قبالي .. من قبل ما تزور الجسد خرقه الخام يا زين والله عنك ماني بسالي .. لا والذي نزّل تبارك والانعام ما فيه يومٍ غبت والله عن خيالي .. كنّك بوسط العين راسمك رسّام ... خلاص عزمت انا فرقاك .. بنساك لو فيه تعذيبي محدٍ جربني على شرواك .. وانت على الصد ناويني اعز نفسي عن هوى شرواك .. ما اطرد ورى ناس مقفيني يا قلب اصبر على ما جاك .. الصبر طبع المحبيني دور علي واحدٍ يبغاك .. خلاص يكفيني ما فيني بنساك والله انا بنساك . بقلى طبيب يداويني لا تفكر مامن الا دواك .. بلقى طبيبٍ يداويني .................... خلوني ابكي يا هلي من غثا البال .. خلوني ابكي واتركوني لحالب تبكي عيوني لي طرى اللي على البال .. خلٍ مضالب في هواهم ليالي يا ليل قلبي للهواجيس مدهال .. يلعب بي الهاجوس من كل جالي الحال حالي يا اهلي صرت في حال .. سبحان مهنو بالمخاليق والي قالوا لي اصبر والصبر فيه حلاّل .. وانا اصبر مالي عليه احتمالي راعي الهوى لو يثقل الحمل له شال .. يقوله اللي ما درى وش جرالي ..................... خلوني اتقلّب علي نار الاشواق ..اصلى بجحيم واحرق بناره لكن عطوني خبر واقلام واوراق .. بكتب لمن شطّت علينا دياره شوف العيون اللي من خلف الآفاق .. لقبل سواد الليل وادبر نهاره ولا شقى حالي دقيقات الاعناق .. الا بشر واحد لحالي دماره واسهر مع الحراس لي وقت الاشراق .. وانا مع السوق مالي تجاره لي ذوق والعالم لها مثلي اذواق .. كلٍ حسب ذوقه وحسب اختياره ما فز قلبي نحو غيره ولا تاق .. من حسنوات الباديه والحضاره لا لا ولا هو كنت متوقع فراق .. لكن صواديف الدهر يا خساره لكن علي اللي واهب الطير الارزاق .. كساره ريش ووجهه في مساره .................... خليتني وصار الأمل فيك مقطوع ** ارحم خوقٍ وسط قلبي يناجيك عيني دموعها دم ما تذرف دموع ** مجروح قلبي من سبايب تغليك عاد الهوى المكتوب بالدم ممزوع ** كله سوايا ماتوده اياديك صدمت حبٍ كان في يوم مزروع ** رددت في صوتٍ رفيعٍ مقافيك واضح نظامك هجر الاحباب مشروع ** وشلون تجفا واحدٍ ما يجافيك اسهر وكل الناس رقّاد وهجوع ** وافز ليمن نمت اصوت واناديك واليوم حبك داخل القلب منزوع ** رح يم ناسٍ عن هوانا تنسيك ...................... دمعي جرى والقلب جاه الهياما .. من يوم قالوا صاحب سافر اليوم غدت بي الدنيا وصارت ظلاما .. جوّي غدى فوقه عواصيف وغيوم كبدي طعنها مثل حد السهاما .. الليل كله في تفاكير وهموم انوح تالي اليل نوح الحماما .. يصبح على الصبح ما ذقت انا النوم اسهر وكلٍ في منامه يناما .. والكبد ما ذاقت من الزاد مطعوم عفت المنام وعفت حلو الطعاما .. مالي جدى كود ابدع القاف منظوم الا وا عذابي راح ظبي العدما .. يالله عساني منه ماني بمحروم ابو ثمانٍ بيض حدر اللثاما .. وعيون سودٍ وساع والعود مبروم ابدع كما نور القمر في التماما .. في حبهم ما اسمع اهل العذل واللوم بحب غيره من العذارى حراما .. غيره من الخفرات ماني بملزم .................... راحت ليالينا ضاعت امانينا والزين ناسينا يقول انا ما اذكر راح التعب فاضي خلي ماهو براضي ما يذكر الماضي بيني وبينه مر ماضي هوانا راح قفلٍ بلا مفتاح انت الذي مرتاح وانا علىّ اسهر الله يجازيها بفعال ماضيها وماني بناسيها كلٍ بقلبه حر ...................... ربي يا مولاي جعلك تعين اللي صبر .. الحزين اللي من فراق خله ما ينام دمعته من فوق خده وطاوله السهر .. ناحلٍ حاله ولا باقيٍ كودالعظام يا شبيه الريم عقبك حياتي في خطر ..وا عذبي من فرقاك يا ظبي العدام في البني ماشفت مثلك مع كل البشر .. يعجر التعبير عن وصفك والكلام اطولت فرقاك يا زين والقلب اتفطر .. وان فريت الجيب ما اظن يلحقني ملام سبعه اشهر قد مضتلي وذا ثامن شهر .. كني لي عنك يا الغضي عشرين عام سافروا به لا عاده الله من سفر .. وافطموني منك بالغصب من قبل الفطام ارجي الله يجمع الشمل من بعد الكدر .. واهتني بك يا منى الروح يا بدر التمام ..................... زعيم الحب منهو بشتكي له .. ابيه يعيد محبوبي عليّه انا يا ناس ما بيدي حيله .. بعد ما باروا الخلاّن فيّه الا يا اهل الهوى ويش الوسيله .. الا كيف ما منكم حميّه انا ما اقدر فراق الزين ليله .. زريف الطول مجلّي الثنيّه حبيبي ما التقي والله مثيله .. سوى في ذا البلد والا اجنيّه غريب الليل مشى عابر سبيله .. اهالي الحب يعطونه التحيّه ذبحني يا اهلي والله حسيبه .. نوى قتلي وانا مالي خطيّه ....................... سافر وترجع لو بعد حين .. لي يوم يا ابن سعيد اشوفك انت الصديق اللي على الدين .. وما همني باقي ظروفك انا اتحري وصلك سنين .. لافي القدر دنيا تلوفك كسكين من يجهلك مكسين .. اشاركك همك وخوفك يقولها ابن القحاطين .. قلبي بذا الدينا يروفك ...................... سد باب المعرفه وابعد ابعيد عنّي .. غلطتي يوم اصدق وانخدع في عيونك رح بفالك وانا باروح لكن بحنّي ..فؤّح قلوب ناسٍ همهم يفرقونك غيروا طبعك الحساد واختلفت ظنّي .. ليه طاوعتهم بي خلهم ينفعونك رح مع اللي يحبك عش معاه امتهنّي .. وفقك ربي مع اللي تبغا ويبونك من إولٍ اسهر عيوني منك ما يمرحنّي .. ما هقيت هرّاج القفا يقدرونك اشغل البال وقلبي من هواك امتعنّي .. احسبك مخلصٍ بالحب ما يخدعونك ...................... سعيدٍ يا اهلي قلبي تهنّى .. بعد ما جاه من داوى صوابه عطاه الله وحصّل ما تمنى .. غزالٍ تو في غايه شبابه حياة الروح لي دار وتعنّى .. ذكرنا بعد ما طوّل غيابه بعرض السوق صادفني تنثنّي .. عرفت الزين من لبست ثيابه وقف واشّر بكفٍ فيه حنا .. يجاوبني وانا ما افهم جوابه سالت وقلت وش جايبك منّا .. نويت ترد قلبي في عذابه تبينا نبتلي وتصد عنّا .. تخلّي ضامري يزيد التهابه خزرني وقالي لا تتهمنا .. بلاش من المعاتب صك بابه | |
| |
|
01-03-2011, 07:39 PM
| #3 | |
| رد: آكبر موسوعه كلمات اغاني فهد بن سعيد - فهد بن سعيد سنين ابعد وجت همسه ** عادت حاضرين امسه رجعت امارس الاشعار ** بسجن حروفك الخمسه بدأت تزهر كتاباتي ** وفاح العطر بأبياتي لي جيت ابتعد عنك ** هرب من داخلي ذاتي تعالي لاتخليني ** معك كامل عناويني لي جيتي مع الاهداب ** نزعتي الشوف من عيني احسك نغمه في صوتي ** واذوقك طعم في قوتي تعالي نجمع الاطفال ** اهل الميلاد ياموتي ........................... سهرت الليل يا ليلي .. وه و ماجاني المحبوب وانا وان قلت يا ويلي .. تعذّب قلبي المتعوب ولو كثرت غرابيلي .. انا مالي من المكتوب عسى المحبوب يصغيلي .. واحصل عنده المطلوب اقول الحب يكفيلي .. زشكله عندي المطلوب حبيبي دوم يطريلي .. ولا احدٍ بالهوى مغصوب وعلى ما شفت ويبديلي .. هو الغالب وانا المغلوب بغيت ارسل مراسيلي .. ولا جاني عليه دروب اخاف الناس تحكيلي .. وتحكي له لى المقلوب وراعي القول والقيلي .. لا هو بصاحب ولا مصحوب ..................... شد الحقايب قال ماشين بغداد .. الصبح من دار الرشيد اتصل فيك قلت الرجوع وقال من غير ميعاد .. مشغول اخاف البعد عنّي ينسيك قلت الصبر شيمه كريمين الاجواد .. سافر عسى ربي يديمك ويحميك صبري عسى الايام ترجع ونعاد .. اما تجيني والا اني اوصلك واجيك الوقت غير الوقت ما جاد .. ما ودي ابعد عنك ساعه واخليك ...................... شفت يا ناس زولٍ شاقني .. وقفت مربوط رجلي ما مشت ساعه لمحته وحبه صابني .. نار المحبه بقلبي ولّعت دقيت بابه تعذّرت اسقني .. غريب عطشان والشمس احتمت عطاني الماء بكاسٍ معدني .. تسلم يمينٍ لي الماء قدّمت شربت كاسين وقلت له زيدني .. ناري من الشوق لجله ما طفت مابي ظمى بس زوله هالني .. رويت من الماء وعيني ما روت حسبي على اللي لسوقه دلّني .. ماني بيمه لكن وافقت يا ناس انا وين ربي جابني .. وانا مريحٍ من ايامٍ مضت .................. شفتك معاه واقفيت عنكم وصديت ** اخاف اموت من القهر في مكاني ما ابعد ولا بك ياهوى البال ضنيت ** انك تولع في هوى خل ثاني شفتك تناظرني وانا عنك قفّيت ** ملزوم راحتك منك عشره زماني عز الله انك بالخيانه تماديت ** ما بيك عز النفس عنكم حداني .................... صاحبي يلبس البرقع ماهي عادةٍ له .. مير اخذ سلم جيرانه وصارت طبيعه هيه ياللي نوصيكم على برقعٍ له .. وسّعوا قرضته ترى عيونه وسيعه فضلوا له حريرٍ ناعمٍ ما يملّه .. حيث بشره خدوده للتأثر سريعه مثل ما قالوا ان جيت الوطن خذ سلمه .. اتبع الناس وان ما طاعك الوقت طيعه صاحبي من كلامه لي هرج ما تملّه .. من حلاوه كلامه كن هرجه يبيعه ...................... صبرنا وطول الصبر يقضي على الارواح ** اذا طال واتعدى حدوده ومعقوله وصدقت من قال الصبر للفرج مفتاح ** وهي كلمهٍ صارت للامثال مقيوله سقى الله زماني يوم انا دالهٍ مرتاح **اذا مر يومي ما احسبه قلت وشوله وجاني زمانٍ ما ابتسم يوم بالافراح ** يمر النهار وقول ذااليوم يا طوله اغني على وقتي مع روضه الوضّاح ** اكيل الندم ودمعه العين مرسوله اصارع همومي مثل ما يصارع الملاح ** شراع السفينه واطبق اليم من حوله ألا مال تدفعني واحلق بدون جناح ** وتمسى همومي بين حيه ومقتوله ......................... صحيح انا انغريت ساعه ملاقاك .. واليوم اقول يا ليت حظي تعداك لي جيت بك هليت وابكي على فرقاك .. عذبتني بأوهام مشيت برضاك كم لجلكم ونيّت لي غيت انا ما ناساك .. ويش السبب مليت ويش الذي جاك غريتني يازين قلي انا ما ابغاك .. بان الخفى بالعين لا تقول انا اهواك ........................ صحيح من يلفي بليّا عزيمه .. الي من ضواه الليل يمسي بلا فراش من باع قلبه وطلب فيه قيمه .. غلطان ياللي ترخص النفس ببلاش اجسبك تمشي لي بنيّه سليمه .. يا خارب النيّه عرفناك غشاش اعذراك اللي جبتها لي قديمه ..في وجهي مرايه والي غبت رشاش لكن روحي بالموده حليمه .. تطرد غزالٍ ضاع فالبر وانحاش ومن باعنا حقٍ يدور خصيمه .. وشوك الظفر يظهر مع البصر منقاش لعبت بي لعب الهلال بخصيمه .. لي صفق الجمهور وقال له عاش يالله لا تحرم نديم لنديمه .. وصل الولايف يا علي يبري الجاش ........................ ضاق صدري وعيني بالدموع اذرفت .. واتصبر واشوف الصبرعيّا يفيد اجحد جروح قلبي والدموع اكشفت .. كل ما امسح عيوني المدامع تزيد الليالي تحداني ولا لي صفت .. فرقتنا وحكم الله على ما يريد آه يا شمعه الوادي عسى ما طفت .. عقب فرقاك انا ذقت العذاب الشديد لو كنيت المحبه يا القضي ما خفت .. الهوى يجعلك شيوخ القبايل عبيد ........................ ضحى الجمعه وبالصدفه انا والزين نتلاقى .. صدفت في طرريقٍ بلا ميعاد وافاتي وقف محبوبي وسلم وقال القلب مستاقا .. وقلت اهلا حياه الروح وانا والله ولهاني تبدّل يا نظر عيني ليذي الوصل بفراقا .. وما تخشى من الله تولعّني وتنساني وثال بوصلكم محتار وعليه القلب خفاقا .. ولكن عادة الدنيا تفرّق كل خلاني وقلت اسال انا ياللي كل الكون له خلاقا .. عن الجفا والصد يا مكحول الاعياني ترى كثر الجفا والصد فلا والله ينطاقا .. دخيلك لا تعذبني بلاحقٍ وبرهاني تبسّم وقال اصبر ورب البيت رزاقا .. يغيّر برمش العين من حالٍ الي ثاني ........................ ظروفي دقاقه وصافي اللون جافيني . يا رب حسبي على منهي تسابيبه يا ناعس الطرف لا تشقي معك عيني .. غيرك من الناس والخلان ما ليبه ما ودي اذكر زمانٍ به مصافيني .. واخفّي الحب ما ابغي الناس تدريبه حبك من سنين يا المجمول كاويني .. واصبر على الحب من شانك وتعذيبه برجوك برجوك تكفى لا تخليني .. بعدك على قلبي يا ناس اكبر مصيبه قلبي من الهجر والغربال مشقيني .. والهم يقبل بعرض وطول مشقيبه ......................... عافت النوم عيني من هواجيس بالي .. هاجسي في حبيبٍ غاب ما ادري علامه دون سبّه هجرني ما درى وش جرالي .. غاب عنّي وانا قلبي مكن به غرامه يا اهلي ما سهرت الا على شف بالي .. كان طوّل بهجري ما رجي لي سلامه يا اهلي غير خلّي بالملا ما طرالي .. لا تزيدوني مابي بالعذل والملامه الغلا له وهو ذخري ورأس مالي .. لو سهرت الليالي واهتنى في منامه ما اسمع اللي عذلني آه انا ابخص بحالي .. ما تشوفون جسمي ناحلاتٍ عظامه لايمي ما جرى له بالهوى ما جرى لي .. لو جرى له سواتي عظ كفّه ندامه لو تعذلون ما اسمع في هوى شف بالي .. عاذلي في حبيبي ما سمعنا كلامه لو يفيد التمنّي قلت ليته قبالي .. ليت منهو يشوف الزين جالس امامه ........................ يا بعد روحي عذابي منك طال .. منك انا مجروح وانت لي دواء منك انا بصفق يميني بالشمال .. منك سدي باح والحال انطوى مالكٍ قلبي بحبك والدلال .. جامعٍ للزين والقبله سوى محتمل فرقاك يا باهي الجمال .. لو بغيت ارتاح قلبي ما قوى ليه انا بالشمس وانت بالضلاّل .. حرّها يا نور عيني ما استوى بادليني بالمحبه والوصال .. الوفاء والحب شرع اهل الهوى اسقي العطشان من ماك الزلال .. ارحمي قلبٍ بلي بك وانكوى اذكري ما فات يا بنت الحلال .. كان قلبك بالموده لي نوى .......................... عزي لكبدٍ من الغرابيل عزاه .. وعزي لقلبٍ فيه ستين عله قلبي من الحسرات يكفيه ما جاه .. قلبي صويب ولا لقينا دوا له عزي لمن مثلي زمانه تحداه .. مسكين من شاف القهر والمذله يا ويل من كنه على نار تصلاه .. يسهر ودمعه فوق الاوجان هله يشهر وكلٍ في منامه تهناه .. كثرت هواجيسه ولا احدٍ فطن له لي صاحبٍ قلبي يحبه ويهواه .. صافي الجديل وجامع الزين كله ابو جديلٍ فوق الامتان يزهاه .. من فرقته كن الحشى فوق مله هنيكم يا اهل المواتر هنياه .. كلٍ يروح لي بغا يم خله وانا حبيبي ذفت انا مر فرقاه .. وعزي لمن يرجي المواتر تشله ....................... ....................... عسى الله يلوم اللي لحالي يلومون .. وانا كيف الومك بعد ما شفت واوحيت فلا تشكي الفرقا ترى القلب مطعون .. وانا لو دريت بغيب الايام ما جيت تقولون والا يا هلي ما تقولون .. ابفنى على ذا الحال كان استمريت انا ما ابغي الدكتور وانتم جبرتون .. خسرتوا دراهمكم وانا ما تشاويت علاجي حبيبي بس تكفون ودون .. وانا كان ما شفته تراني توفيت ............................ عسى اللى حفظ يوسف على والده يعقوب .. يحفظ الذي عقبه العين سهرانه ولا شفت عقبه لذّه الزاد والمشروب .. محاجر عيوني بازرق الدمع غرقانه الا واعذابي عقب فرقاك يا المحبوب .. خالي عقب فرقاك يزداد نقصانه قلبي من اللوعات يا صاحبي مصيوب .. ليمن ذكر ما فات يشتب نيرانه غرامك غلبني واعترف لك انا مغلوب .. اسيرك دخيلك تنقذه عقب هجرانه حسبي عليك الله ما احسنت عنك اتوب ..وقلبٍ جرحته كيف ترضى بنسيانه ولولا الحياء لرفع بصوتي واشق الثوب .. وابيّح بسدٍ طال يازين كتمانه ولكن ابصبر واتصبر على المكتوب .. وراضي بما جاني من الله سبحانه | |
| |
|
01-03-2011, 07:40 PM
| #4 | |
| رد: آكبر موسوعه كلمات اغاني فهد بن سعيد - فهد بن سعيد عشرة عمر معك انتهت وانتهينا .. وآخر دقايقها دموع الوداعي شيٍ طبيعي نفترق من بعضنا .. فرقا وراها ما اظن اجتماعي غرّت بنا الايام غصبٍ علينا .. واستعجل المكتوب طوى شراعي ورد المحبه فرّطت به يدينا .. واصبح هوانا مرجعه للضياعي لابد ما تنسي حدينا السنينا .. والا بقلبي جروحه وساعي .......................... عشره سنين وافترقنا بليله ** بسباب كلام فارق خليل لخليله باع الهوي ابو العيون الكحيله ** ضاع الوفاء مثل اللى ضيّع دليله خلي زعل ولا باليد حيله ** مهما حصل اقول ما بي بديله وادي الشفاء بين الزهور الجميله ** اهوا وانا لنا قصه طويله قصه غرام عاشت في روحي العليله ** وفي الختام نودع ايام جميله ........................ عفت الحياة ومنوتي ليتني مت .. خلاص يكفيني عذاب وغرابيل ما عاد اطيق العيش بالسوق والبيت .. لا بالنهار ادله ولا ارتاح بالليل من كل شي اقول يا ناس مليت .. حتي احسبوني من حساب المهابيل فوق الشرف رايه الاحزان رزيت .. واطفيت ما في دارنا من قناديل عمري قضى ما ساعهٍ به تهنيت .. وابكي باوقات الطرب والتعاليل .......................... علام حرف السين ما عاد سيّر .. ولي بغينا نوصله ما لقيناه واليوم معدوم الوصايف مخيّر .. ان جاد جدنا وان نسانا نسيناه وضعه طبيعي خابره ما تغيّر .. لو كان عنده حال ثاني عفيناه لو كان له حقٍ علي ما اتحيّر .. الشاهد الله ما اذكر انّا جفيناه مسافه البيتين فوق المقيّر .. قريب يسمع صوتنا لي دعيناه ............................. على الوعد جيتكم .. يا مخلفين الوعود جيتك على وعدكم .. ظنيت وعدك يجود كا كان ظني بكم .. هذا الجفاء والصدود مشتاق والله لكم .. حبك بقلبي يزود افرح الي شفتكم .. وصدك يا غالي وقود ان ما كفى هجركم .. تراى زرت اللحود جريح من حبكم .. عندي على ذا شهود قصدي انا وصلكم .. ما اريد هذا الصدود روحي ومالي لكم .. الله يحل القيود .......................... عيدكم مبروك يا سيد العذارى .. كل عامٍ وانت يا روحي بخير صمتك الغامض علامه بي دمارا .. منك يا مضنون عيني ما يصير يا ربيع العمر حدد لي مسارا .. لا تعذبني وانا جرحي خطير لو تعرف اللي بقلبي من صارا .. ما اعتقد يرضيك تتركني اسير العيون الباكيه لجلك سهارا .. بدّلت حلو الكرى دمعٍ غزير اشتكي لك منك وانت لي خيارا .. ماكنٍ حبك بقلبي والضمير ........................ فكرت والمكتوب مافيه حيله ** ليت الليالي علمتني بالاقدار عودت نفسي للعلوم الجميله ** وانا على جور المحبين صبّار يازين روحي من فراقك عليله ** وانا اتحرى منك يازين الاخبار انت الحبيب وعشرتي لك طويله ** بيني وبينك خافي العلم واسرار ياليت مرسولك يجي كل ليله ** واقول خبرني عن الزين وش صار اما عنالي صعبهٍ جيّتي له ** راعي الهوى ما ينفعه كثر الاعذار ....................... قالت فمان الله واقفت وانا اقول .. متى علي يا زين تنوي الرجوعي قالت وهي تبكي فراقٍ على طول .. واهتز قلبي هزتينٍ تروعي واقفت وانا حاير ما ادري وش اقول ..حاولت اجامل وافضحنّي دموعي ونيت ونه واحدٍ طاح مقتول .. منها خفق قلبي وحطّم ضلوعي من شاف حالي عقبهم قال لاحول .. اسهر وحدي والخلايق هجوعي ...................... قالوا اصبر وقلت الصبر ذا مستحيل .. عجّلوا قربوا مني القلم والدواة بالهوى شلت حملٍ يا جماعه ثقيل .. طحت من سبته يا ناس ويش السوات آه دمعي عجب وان مستحته يسيل .. قرّب الموت مني ما هقيت النجاة عقب ما هو بعندي في نهارٍ وليل .. اتمنى ولو من رجى فيه الوصاة يوم عزّم على هجري بليّا دليل .. اتصبر وكن العين فيها حصاة لو رحمني بكلمه كود مابي يزيل .. او وداعاً يريح القلب قبل الممات ودعوا صاحبي عنّي وداعٍ جميل .. بلغوها وصاةٍ ما وراها وصاة قولوا انه طلبك الحل يا احسن خليل .. دام حبك تعثّر ما اريد الحياة ............................ قالت علامك ما تزوج وترتاح .. وتترك طريق الحب للي يبونه حلفت ما اسمع هرج عاذل ونصاح .. ما بغا زواجٍ والقضي حيل دونه حبه مكن بالقلب ماهو بمنزاح .. مالي بغيره شف لو يعرضونه انا برجوى الترف ابو خد وضّاخ .. ومبيسمٍ يا زين صفّه سنونه الجادل اللي للعشاشيق ذباح .. زين العذارى كلها في عيونه كم واحدٍ قلبي من الحب قد صاح .. مجنون ليلى قبلنا يذكرونه لولا الامل حالي قضت والعزى باح .. وكان احترق قلبي ولا تتركونه .......................... قررت اسيب الدار وارحل واخليك .. يكفيني اللي من سببكم جرالي خلاص انا ما عاد ليّه نظر فيك .. دوّر وتلقى لك حبيبٍ بدالي إمن اولٍ يومني ابيك واغليك .. شانك بوسط القلب يا زين عالي واليوم يا محبوب خاب الجرا فيك .. اترك طريقي روح مالك ومالي وان كان تتحدى فقابل تحديك .. ابشرك قلبي من الحب خالي اقولها من قلب مابيك مابيك .. افهم وفهمها لمنهو يسالي ........................ قريت مستقبل هوانا بعينيك .. ومن قبل ما تحكي عرفت النهايه فكرت قبل انهى علاقاتي اعطيك .. فرصه اخيره من بقايا عطايه اصغيت لاقوالك وكان الامل فيك .. في صمت وآهاتي تترجم ندايه حتى بدأ منك التنكّر لماضيك .. رد الصدى نبرات صوتي سمايه واعلن خفوق الشوق رفضه تماديك .. في رحمه اللي صار بعده شقايه واجبرني الواقع على قول مابيك .. من قبل ما تجهر بها يا عنايه والله اعز النفس عنك وماضيك .. لو همت في بحر الهوى جيت تايه ......................... قصه غرامٍ عذّب القلب مخلوق .. مسكين انا زاد حبه عليّه حرّج على قلبي وداه للسوق .. وين العهود اللي مضت القويه نسيتني من الحب كالعبد معتوق .. وانا بصفّك ما ارتكبت الخطيّه طوّحت قلبي ما بقى فيه معلوق .. سم الهوى عيني وحالي شقيّه يا سعد حظي يا فهد من عنا الشوق .. هذا زمان الكل ينسى خويّه ارفع بصوتك يم ابو شعر مفروق .. يا كود حبل الوصل يمده عليّه يا وردةٍ له من فوق حدّه لها ذوق .. يا ليت من يقطف ثمرها شويّه يالله تنصف لي من الزين بحقوق .. وانك تساعدني بحل القضيّه يالله ترفع حظنا دايما فوق .. واسعد انا والزين بأرضٍ خليه .......................... قلبي معك لو شفت جسمي مع الناس ** ماغاب طيفك عن خيالي دقيقه ودعتك اللي ما خلق مثلك اجناس ** حيل الله اقوى لو دموعي غريقه والله ما ارخصتك ولا طعت جلاس ** بس النصيب يصيب هذي الحقيقه اظلم سماي وحال من دونك الياس ** وتحسرجت عبرات قلبي بضيقه همي عقب فرقاك ماهو بينقاس ** وجروح قلبي يا طبيبه عميقه اجلس بوسط الناس واسرح بالهوجاس ** ما بيدي حيله ولا لي طريقه حبك بوسط القلب مبني على ساس ** عنك العزى يا روح روحي ما اطيقه ........................... كتمت الحب واثري الحب ما ينفع به التكمان .. ولا ينفع به الشكوى على من لا يشكيني انا حبيت لي واحد عريب الخال والجدان .. على غيري وعرفه عندي اكثر من محبيني حكمني وانحكمت وصرت له عبدٍ وهو سلطه .. ولجل الحب واهل الحب رضيت الحكم واطيني الا عزي لقلبٍ مثل قلبي بالهوى غرقان .. غريق الحب دايم ساهرٍ والناس ممسيني وليمن جيت ابدله مر طريا سيد خلاني .. طوال الليل والايام طيف الزين في عيني انا محتار في وصله واداري هرجه العدوان .. عسى حبل الوصل ما ينقطعه ما بينه وبيني بعد عرف الحبيّب شفت حالي صار به نقضان .. تمكّن بي صواب الزين وغيره ما يداويني ولو يجلب حبيب الروح انا بشريه بالاثمان .. يصير الزين ملكٍ لي ولا احدٍ فيه يداعيني ........................ كفى ما جرى والله يجازيك بالهجران .. طريحٍ جريحٍ منكم تسهر عيونه انا في حياتي كلها ما اتبع الحقران .. على اللي طرالي تقصر الرجل من دونه حكم الغلا والحب يا اهل الهوى سلطان .. عسى اللي يلومون المولّع يذوقونه متى بنشوفك يا شقى واحدٍ حيران .. يذوق التعب وانتم بنومٍ تهنونه انا ما ذكرني يوم كان الوفاء ميدان .. لقى لذه الدنيا وربعٍ يسلونه تنكّر على الصاحب وصافى الذي عدوان .. وشوف الخطأ منهم حشى ما يسوّنه .......................... كل ساعه من حياتك رايحه ** ما يرجعها لك المال الكثير ويش جاب اليوم مثل البارحه ** الزمن يمشي على سلك الحرير ليلهٍ تخسر وليله رابحه ** والهنا لا يخدعك عهده قصير وانت يا شايل همومٍ فادحه ** خل في صدرك سعد وابشر بخير صفحه الايام ماهي واضحه ** بقدره الله ما توريك المصير ليتني مثل الطيور السابحه ** في سماها وين ما تبغى تطير ................................ كلنا لك يا حبيبي كلنا لك *** بيعنا لا ضاق خاطرك وتصرف من يردك لاتصرف في حلالك *** في حلالك ما لحد غيرك تصرف لااتشكى وانت معنا * يا سعك دربٍ يسعنا مانبيك تهين نفسك للردي اللي ماتعرفه يا حبيبي وش يهوجس فيه بالك *** الرضا نشريه لك مهما تكلف لااتشكى هذا انا جالس قبالك *** خاضعٍ لامرك ولاني بمتحسف لجل المحبه خضعنا * ولجلك سمعنا وطعنا طالما اني غايتك غيرنا وش لك بعرفه لولا حبك ماخضعنا روسنا لك *** وانا امرت امرٍ نطيعه وانتشرف نفسي الزم ما على وهنتها لك *** لجل حبك لوعتي ما تنتوصف وحياه ربٍ جمعنا * انا بحبك وقعنا جعل عين الله تحرسك يامنى قلبي وطبه | |
| |
|
01-03-2011, 07:41 PM
| #5 | |
| رد: آكبر موسوعه كلمات اغاني فهد بن سعيد - فهد بن سعيد كهربتني بالعيون السود .. كهربك زايد على خيرك كنّك على هزّتي محدود .. يا شين تأثير تخديرك ابكي بكى والدموع شهود .. بلاي هجرك وتقصيرك يا غايه القلب والمقصود .. ما قنّعتني معاذيرك لولالي اداري من المنقود .. لأبيّن اسمك وتقريرك خل الكبر عنك هو والزود .. وقعّتني في دواويرك .......................... كيف احبك وانت عن حبي بعيد .. كيف كيف اسوى كيف والحاجز حديد كم عطيتك من حناني وانتظرتك .. من حنانك لو عباره ما تزيد وا عذابي كم تفشل خطه وخطه .. كنّي الزارع على قاع الجليد استمد الصبر من فايق جمالك .. وانت يا غدار وصلي ما تريد انت اول من يبي يعذر وآخر .. من يلومه لي هجر قلبي اكيد يشهد الله كم تولع بك وحبك .. ولكن الاقدار تحسم ما تريد ............................ يا حبيبي كيف بسلى عن هواك ** ان هذا يا حياتي مستحيل بعدكم عني ترى فيه الهلاك ** خذ حياتي كلها لك يا جميل مانوى قلبي على شخصٍ سواك ** شف انا من سبتك جسمي نحيل اترك اللي يزعلك واتبع رضاك ** من سببكم اسهر الليل الطويل اتحمل منك هجرك مع جفاك ** انظر دموعي على خدي تسيل يا حبيبي ليتني دايم معاك ** وحدنا ما بين هذيك النخيل .............................. لا تتصل حول التلفون تشويش .. عندي قريبٍ لي يراقب كلامي ذبحتني يا اسمر الليل بشويش .. يومك تذكّرني ليالي الغرامي غديت كنّي عسكري حك بالجيش .. صبحٍ خفاراته وعصر استلامي .............................. لا تجي يمي بعد خنت العهد .. مالي بقربك ولا شوفك لزوم ابتعد عنّي وانا عنك ابتعد .. خاين العشره من الود محروم من وصالك ما استفدنا الا النكد .. في مسائي وفي صباحي كل يوم كم تواعدنا وضيّعت الوعد .. احتملت وخافقي كله هموم لكن اليوم اكتمل كل السعد .. زاح عن قلبي جميعٍ الهموم واكتشفتك ما تعرف الحب ابد .. والمخادع ينكشف مهما يدوم رح فمان الله في دربك بعد .. ما نقضت العهد واخلفت السلوم ما تهز الارض لو يرعد رعد .. بقدرة الله ما يضرن النجوم .......................... لا تحدى وانت ما تسوى التحدي .. لا جميل ولا صريح ويش ابي بك رح لعلك من غيابك ما تردي .. موترٍ وداك عني ما يجيبك احسبك تصدق معي واصبحت ضدي .. خنتني خانك مع الدنيا نصيبك يا قليل الخاتمه لو كنت قدي .. ما جفيتك لين حتى بان عيبك كنت اجامل واختبر سدك وسدي .. وانت يا المغرور تحسبني حبيبك ان كان مرواحك زعل مرواح جدي .. تزعل وترضى محدٍ دري بك ....................... لا تحسوبي كل ما غنيت طربان .. انا بحالٍ يعلم الله سببها ازعج بعالي الصوت من دون حسبان .. والناس ما تدري عن اللي حرقها ليت دمعي اللي سال ما جاه ما جان .. يقول شادي بالطرب وكتبها الناس ما تدري عن كان ما كان .. ماتعرف الا ما ظهر في جسدها كواني المحبوب من غير نيران .. حرّق معاليق الحشا ثم سلبها يا ويل جسمٍ بالهوى طاح مرضان .. ماله مقيمٍ غير ربٍ خلقها وراني الحرمان اشكال والوان .. واصبر واقول الله علينا كتبها ....................... لا تخبره عني ترى ما بي خلاف ** شيٍ بسيط ولا على الحال خوف مابيه يتكدر بال مجمول الاوصاف ** ولا بيه لاحزان الضماير يشوف قلبي عليه اذا حصل شي ينلاف ** لو بالسماء مخضرات الجروف يا رايحٍ يمه ترى القلب ميلاف ** عطه الصحيح بصادقات الحلوف واذا سألك وقال وش به ما ينشاف ** قل دون وصلك امنعنه ظروف ماهو على كيفه له الوقت وقّاف ** حداه عن شوفك الزمان الكسوف ......................... لا تسئ الظن مالي عن هواك .. مستحيل انساك وانسى اللسي جرى صحح الغطات من سيره غلاك .. الهوى ماهو يباع ويشترى وقلبي المخطور ما يقوى جفاك .. ذكريات الحب ترجع به ورى انت الغالي وكم لي في رجاك .. طالت المده وجرحي ما برى اسال العينين وش زد عناك .. جسمي الناحل حاله ما برى لو ردع قلبك وصفّق في حشاك .. مثل قلبي كان يا خلي ترى حادي الاشواق لو مثلي حداك .. طاري الفرقا بقلبك ما طرى .......................... لا تسبق الاحداث ما فيه داعي .. اني معاك ابدأ حياهٍ جديده طويت من بحر الرجاء بك شراعي .. النفس طابت وافعل اللى تريده اخلصت في حبك جميع المساعي .. خايف آسى الماضي لنا يستعيده يوم اني احبك حكمت بضياعي .. لقيت في بعدك حياهٍ سعيده وشلون تجرحني وعيني تراعي .. وان صحت جرحي من عذابك تزيده ما هان حتى يا مقفي وداعي .. دموع الشره من فوق خدي بديده فيما ما مضى خله يفيدك خداعي .. جفاك في نفسي تزايد رصيده ......................... لا تحسب اني على هجرك بكيت .. لو يطوف الوقت ما همني جفاك رح مع الايام حقق ما نويت .. ما حسبت حساب صدك من رداك لا تعاتبني بلا ذنبٍ جنيت .. لوعة المشتاق للعاشق هلاك دام انا محروم ما يوم اهتنيت .. جدد الحرمان جرحك ما كفاك خلني محروم رح مع من هويت .. ضاع عمري ضاع كله في رجاك والنهايه منك والله ما هقيت .. يوم طاوعت الواشي وخلتني وراك ............................ لاتكابر غلطتي يانور عيني ** انظر دموع الندم تغفر خطايه مالها داعي تروح وماتجيني ** غلطتي زلّت وعذري لك كفايه غير عذري عزه النفس تحديني ** نفسي اللي ماتجي يوم بهوايه ماتطيع اكتب خضوعي في جبيني ** ياهوى بالي لو طوّل عنايه قلت لك آسف وما بينك وبيني ** حسبك الله بوستك تسوى حكايه ان وفيت بمطلبي حيثك ضنيني ** وان جفيت ربنا يجبر عزايه .......................... لا تكلمني ولا تسأل على ** انسني وانساك يومٍ بعد يوم من صدودك يا حبيبي ما على ** خلّني من عالم العطف محروم كنت غالي عندي اغلى من اهلي ** ويوم خنت العهد مالي بك لزوم عايشٍ يازين مابين شمسٍ وفي ** ما بقى الا ذكرياتٍ ماتدوم انسني وانساك ما دمت حي ** واعتبر ما صار حلمٍ من الحلوم ما خبر قصرت في شيٍ تبي ** الوصال ابعد عليك من النجوم ........................ لا تنشدوني وش بلاي اتعبر .. محدٍ بكى الا فيه شيٍ يبكيه طوّل علي الوقت وانا اتصبر .. حسبي على ذا الوقت زايد تحديه يا ناس كل شي في حياتي تغير .. الا الطرب ما قدرت اهده واخليه واقول خلوني مع الحب الاقشر .. لا خير في شخصٍ تنكر لماضيه يا بو محمد خاطرك وان تكدر .. يضيق صدري والسبب لا تخفيه اطلب تدلل حالفٍ ما تعذر .. لو هي حياتي قلت والله تفديه .................. لا توصفوني وصفكم زاد بلواي .. لا صار ما تدرون وش هو بلايه وصف الدواء للي بخيصٍ بشكواي .. يعرف سبب جرحي ويعرف دوايه جيت الطبيب وقال وش لون وازاي .. ازاي ما قدمت فيني شكايه قلت اسعفن هذا ادعّاي ودعواي .. وهذي قصه بدايتي والنهايه قال المرض كايد ولا ادري وش الرأي .. وايضا ولاني به كثير الدرايه واقفيت من عنده على الهون بخطاي .. اسوق رجلي يمّ نيه هوايه هواي همّي وبلاي ومناي .. شوفه دواء روحي وبعده عنايه افرح بشوفه فرحه الكبد بالماي .. واحلامي الحلوه بطيفه هنايه عثوجهٍ شقره تنثنّي تثنّاي .. علي الردوف اللي زهن العبايه كلامه احلى من نغم صافي الناي .. مع عازفٍ يطرب على عزف نايه ما اظن قلبي له مدى العمر نسّاي .. الله هداني في غرامه هدايه .................... لا لا تظلم كم على الارض مظلوم .. انسى الهموم وخل نفسك رضيّه وصلني المكتوب في ظروف واختوم .. واسمك وعنوانك رموزٍ خفيّه حللتها في جمله احروف وارقوم .. ورتّبتها بالاحرف الابجديّه كان اول اسمك نون واخره معلوم .. شرّفتنا يا راعي السالميّه جتني وانا فالبيت حاير ومهموم .. فرحت فيها كانت احسن هديّه خل امس واشرحلي عن احوالك اليوم .. وبكره على الله يا رهيف الثنيّه مشتني الدنيا على خط مرسوم .. امشي بدون ارضاي غصبٍ عليّه اصبر عسى لك بالصبر خير مقسوم .. يحلها يا زين رب البريّه .......................... لا لا تقول انك معذب ومحروم ** ترى المعذب قلبي اللى كويته انت عيونك دايماُ تعرف النوم ** قلبك مع غيري قطوعك عطيته مالك بنا رغبه ولا انت ملزوم ** الله واكبر ويش ذنبٍ جنيته يا ما زعمت انك لنا دايم الدوم ** لكن طبوعك نقّضن ما حكيته العام تغليني وترخصني اليوم ** ذا مستحيل انساه كانك نسيته نقضت عهدٍ بيننا كان مبروم ** عهدٍ على نفسك بنفسك خذيته تلعب على الحبلين وتقول مظلوم ** هذي نهايه دربك اللى مشيته ظلمك على نفسك وتلحقني اللوم ** يا حسرتي وقتٍ بحبك قضيته خلاص لاترجع ترى الحب معدوم ** خلك مع اللى بعتنا واشتريته ..................... لا لا تكدر ما غاب عنك لو يوم .. وشلون ابسلى عنك يا نور عيني مابيك تشكي من عنى الوقت مظلوم .. ما دمت حي لو تطول السنيني ما اطيع مسمع بك اهل الغدل واللوم .. لو طالت الايام بينك وبيني لي غبت ساعه ما يجي عيني النوم .. واجحد عن الغدال جرحي يبيني ابادلك حبي ودا شي مفهوم .. مالك شريك ولا اسمع العاذليني محدٍ يردك لا حشى منت مليوم .. افعل على ما جاد لك يا ضنيني حبك سكن يا غايتي دايم الدوم .. وسط الضماير وسط قلبي مكيني | |
| |
 |
| مواقع النشر (المفضلة) |
| الكلمات الدلالية (Tags) |
| الله, الاسم, التهاب, الحب, اليتيم, الدين, السب, الصبر, الصيام, النصيحه, النظر, الوفاء, ابو, اعصاب, بالدم, تجميل, تحدث, تعلم, حرام, يعطيك, رحيم, ظلم, علاج, عرض |
| أدوات الموضوع | |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| جميع كلمات اغاني الفنان رابح صقر - آكبر موسوعة كلمات للفنان رابح صقر | المشكله اني احب | •·.·`¯°·.·• ( دواوين الشعراء ) •·.·°¯`·.·• | 8 | 12-03-2010 07:09 PM |
| مرثية العم أبو سعيد إبراهيم العنيزان غبار الهجير2 | ملكه بكبريائي | •·.·`¯°·.·• ( قصائد مرئية ومسموعة ) •·.·°¯`·.·• | 5 | 10-10-2009 12:14 PM |
| برنامج صغير جدا يجعل مزاجك سعيد طول النهار | ولد الخليج | •·.·`¯°·.·• ( الكمبيوتر والانترنت ) •·.·°¯`·.·• | 0 | 05-25-2009 03:17 PM |
| ادريانو سعيد بالعودة الى الانتر | شـ،،ـيـ المملكه ـطـ،،ـون | •·.·`¯°·.·• ( عالم الرياضة ) •·.·°¯`·.·• | 3 | 07-19-2008 09:31 AM |
 |  |  |  |  |
 |  |  |  |  |
 |  |  |  |  |
 |
العرض العادي
