|
#1
05-18-2009, 09:31 AM
| |||||||||
| |||||||||
 || [ ×× .. شارع التحليه !! اليكم التفصيل الممل عن هالشارع .. ×× ] || شارع التحليه , التحلية , شوارع التحليه , صور التحليه , صور شارع التحليه ,,, السلام عليكم ورحمة الله وبركاته مساء الورد والاحساس والطيبه لك اعضاء دمعه قلم موضوعي اليوم صاعقه لكل شباب الرياض ولكن لثلاث فئات وانا موب منهم الحمد لله >> ههههههه الكل يعرف شارع التحليه!!! مايحتاج افصل فيه شارع في مدينة الرياض يكثر فيه تواجد الشباب وفي بعض الاوقات الصبايا المهم هالشارع كان حلو ولكن الان !! امتلأ بما لا يليق بمجتمعنا السعودي والعربي والاسلامي . . .  شارع التحلية طبعا من الصور ملاحظين الفرق بين شارع التحلية وباقي الشوارع .. التحلية هذا حالة خاصة .. حالة تستحق الدراسة .. صدقوني لو تخصصي علم نفس كان قدمت رسالة دكتوراه عن هالشارع .. وأضمن لكم إنهم بيعطوني الدكتوراه وهم مايشوفون الدرب .. ومع مرتبةالشرف بعد .. التحلية مثل ماتعرفون شارع يرتاده شريحة كبيرة من الشباب السعودي .. ولأهداف متعددة ومتباينة .. في هالموضوع راح أحاول أصنف الأشكال إلي يكثر تواجدها بـ هالشارع .. وأشرح عادات وتقاليد هالأصناف .. وماينبغي وما لاينبغي فعله في حال التعامل معهم .. // 1- فئة النقا / وتس آب مان !! 2- فئة الحنس / آبك الغنم تشّـبع ! 3- فئة الخكو / يمامي انمشخت ,, من وجهة نظري المتواضعه أشوف إن هالثلاث فئات تعتبر أبرز ملامح هذا الشارع .. لذلك راح أفصفص كل فئة على حدى .. وأترك باقي فئات الشباب إلي ترتادهالشارع لكم .. ببدأ بفئة أحمل لها في قلبي من البغض مالله بهِ عليم .. // فئة النـقــا  وهم مجموعة إمعات مالهم أي هدف في الحياة .. همهم الأول والأخير تقليد زنوج أمريكا .. يحاولون يقلدونهم في كل شي .. في اللبس في المشية في السلام في الكلام .. وطبعا في الأغاني إلي يسمعونها والرقص إلي يرقصونه .. من الشخصيات المقدسه عندهم .. فيفتي سنت  تو باك  سنوب دوق  هالفئة يكثر تواجدها في الساعات الأخيرة من الليل .. وتلقاهم في العادة مسويين قروبات وموقفين عند رصيف ونازلين جنب السيارة يسولفون .. بعض الأحيان يفلونها ويشغلون السماعات ويقعدون يرقصون عالرصيف .. بس هذي في العادة ماتصير في التحلية .. ولافي الشوارع الرئيسية بسبب الكثافة الأمنية .. يقال إنهم ياخذون راحتهم ورى التميمي إلي في الثلاثين .. بس ماقدشفتهم صراحه ولا يشرفني .. طبعا سيارتهم تكون أما همر ثلاث ارباعه سماعات وعليه من ورى علم جاميكا .. < أو تكون سيارة كشف وردية كـلاسيك .. أو آكورد هوندا معدل عليها إلــين أذنت ..  المهم إنها تكون سيارة مستنكرة الشكل مثل هذي ..  لمعرفة هذا الأشكال لازم تعرفون زيهم الرسمي .. تلقون الواحد منهم لابس خيمه يقال له تي شيرت .. وموصلن لتحت الركبه .. وطبعا لازم يصير عرض التي شيرت 30 متر .. يعني يمديه إذا تأزم الوضع يدخل هو وخمس من ربعه في تي شيرت واحد .. مثل اللي في الصورة  هذا طبعا غير كشك الاكسسوارات + تعليقات مفاتيح + كم درزن بكله أم مغاط + ربطةالشعر حقتهم .. زي إلي لابسها توباك .. الشعر عندهم يخضع لثلاث حالات لا رابع لها . .زيرو  وهذا أفضل السيئين .. كدش  يحلفون إنه مشارك في أسبوع الشجرة <<<< جدايل ويسمونها تضفيرة  يقولون إن أمريكا تفكر تستخدم هالجدايل كأسلاك شائكه لمعتقلاتها .. ... . . .. . . فئة الحنسات  الحنسات وما ادراك ما الحنسات .. فئه من البشر يبي لها إقتلاع من الجذور ويمكن بعد تقشّع الارض الليحواليها خوفا من انتشار العدوى النكراء!! الحنسات مثل ماتعرفون مخلوقات خرجت من قلب الصحراء .. مالحقت ع التطور وهالشغلات .. فـ تلقا الواحد منهم مسقط رأسه الديرهوعمره ماشم هوا غير هوا ديرته .. لكن قدرت الظروف انه يجي يشتغل عسكري بالرياض ويسكن مع ولد عمه مناحي اللي بالنسيم ..  هـ الفئه عشان تميزها وتعرفها لازم تعرف مواصفات الهيئه .. مع انياظن انك بتعرفها علطول علطول .. ثوب مصفّر + ياقه ثنين متر + خنافس* + رقبهتلقا عليها شوية سهول ووديان من الاتربه والكثبان المتجمعه إثر عوامل التعريه .. هالأشكال تسمع بالكشخه ولاتدري وشي .. إذابغا يكشخ غرق الشماغ بالنشا إلين تحس إن الشماغ لو يطيح بينكسر .. وطبعالازم يلبس نظارة شمسية عشان يحس إنه متطور .. يوقف عند أقرب محطه ويطق له ذيك النظارة إلي ماحصلتش .. يعني من ناحية اللبس والكشخه لاتدقق عليهم واجد .. فإذا قدر الله عليك وشفت واحد منهم لابس تحت الثوب صروال رياضه لاتستغرب وسلك ومشّي مشّي والحياه حلوه .. من الشخصيات المحبوبة عندهم .. بشير حمد شنان  ويلقلب بــ بشير فنان الدشير مزعل فرحان  طبعا بنو حنيسه معروفين بشوفة النفس والنفخه الكذابه .. ياويلي ويلااااااااااااه وأنا ولد فلان .. وأنا جدي فلان .. ويحلفون إن محد طق له خبر لاهو ولا أبوه ولاجده .. ومعروفين أيضا بثقه النفس العمياء جدا .. يعني ممكن تشوف ذاالفره  تلاحق ربايعنا اللي بالبانوراما .. طبعا لا تلومهم .. والله يلوم اللي يلومهم خبرك هالشذرمه من البشر مصابه بمرض (البنت خاقه علي) .. آحيان تلقاهم يفرفرون بكامري جي إكس إل .. وآحيان تلقاهم بشاص .. طبعاصوت بشير شنان يلعلع بالأجواء .. وإن هاه حبو يغيرون حطوا مزعل فرحان .. طبعا الفرفره في الغالب مالها أي هدف سوا التميلح عند البنات .. وإذا مالقوا بنات ممكن يحولون الخط على فئة الخكو والتي سنتحدث عنهاالآن .. فئة الخكو   خكو إختصار لكلمة خكري .. والخكري هو الشخص الذي يفتقد جزء من رجولته .. وفي آحيان يفتقدها كلها .. وهم في خكرنتهم طبقات .. أهونها طبقة الخكارية إلي على خفيف  ههههههههههههههههههههههههه هاه من يروح معي لشارع التحليه هههههههههههههههه ارجوا ان اكون قد زرعت الابتسامه في وجوهكم الموضوع الأصلي: || [ ×× .. شارع التحليه !! اليكم التفصيل الممل عن هالشارع .. ×× ] || // الكاتب: alwafy_991 // المصدر: منتديات دمعة قلم   |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| سارع أخى او اختي فور تسجيلك | ابودجانه | •·.·`¯°·.·• ( مجلس الضيوفــ ) •·.·°¯`·.·• | 17 | 05-02-2011 08:54 PM |
| أمآ حظور فيه كل التميز ولا بلآش من البدآيه حظوريـــ ,, | رآس الرعيله مقآمي | •·.·`¯°·.·• ( مجلس الضيوفــ ) •·.·°¯`·.·• | 9 | 10-04-2010 02:28 PM |
| شرح بالتفصيل الممل الممل وبالصور تنصيب الفوتوشوب 7 | زاحفه | •·.·`¯°·.·• ( التصميم والجرافيكس ) •·.·°¯`·.·• | 8 | 07-19-2009 12:35 AM |
| الأمل موجود | عبودي_555 | •·.·`¯°·.·• ( المنتدى العامـ ) •·.·°¯`·.·• | 3 | 03-11-2009 12:59 AM |
| رباعيات الأمل | موادع | •·.·`¯°·.·• ( المنتدى العامـ ) •·.·°¯`·.·• | 3 | 03-10-2009 11:54 PM |
 |  |  |  |  |
 |  |  |  |  |
 |  |  |  |  |
 |
العرض العادي
